Ang tunay na maganda...

Tutal puro lalaki ang bukambibig ko, ba't di ko naman pamugaran 'tong blog na 'to ng mga babae?

Ang tunay na maganda, kahit di magsuklay okay lang. Pero wag kang magpapakalbo para maatim ito.

Ang tunay daw na maganda, hindi lang matalino, mabait pa at maunawain. Sablay ako dito, di ako marunong umintindi. What is the asdgxhdgvmfhdlcneurhnfckdcn?

Ang tunay na maganda, mabango kahit di magpabango. Ang sikreto niyan, pinaliguan ng downy yung damit.

Ang tunay na maganda, humahalakhak. Hindi nagpapakahinhin kahit sobrang nakakangawit na sa panga ang tawanan.

Ang tunay na maganda nagpo-ponytail. Alam niyo ba, naka-ponytail ako ngayon.

Ang tunay na maganda, kahit may nagkakagusto sa kanya hindi niya hinahabol. Alam niya kasi na siya ang hahabulin.

Ang tunay na maganda, kinikilig. Wag na magpanggap na hindi kung obvious naman.

Uhm... ano pa ba? Wala na 'kong maisip.

Ang tunay na maganda, wala nang maisip.

Wow, coincidence!

Ang tunay na maganda, hindi lang mukha ang puhunan kundi pati lamanloob: bituka, atay, baga, bato...

Ang tunay na maganda, nagbebenta ng laman... ng mabuting kalooban. Mabait, kung di mo gets.

Ang tunay na babae, hindi lang sarili ang mahal. Pati sapatos, damit, accessories at kung ano pang mga kalandian. Haha. Joke.

Ang tunay na babae, nagmamahal. Hindi nagmumura.

Shit nagmumura nga pala 'ko. Revise:

Ang tunay na babae, marunong magmura.

Yehey.

Higit sa lahat, ang tunay na babae ay walang ginintuang puso kundi red na tumitibok. San ka ba makakakita ng gintong kumakabog pag inlove?

Ang tunay na babae, maganda kahit nagpapa-gwapo. Mabait kahit naiinis. Matalino kahit di nag-aaral. Tahimik kahit galit na. Habulin ng papabols kahit tumatakbo na. Tumitingin saglit sa iba pero binabalik sa nauna.

Sa lahat ng yan, isa lang ang napatunayan ko.

Tibo ako.

Shit.

Ang daming magaganda sa mundo noh? Ang hirap sa kanila, pumapangit pag katabi ako. E ikaw? Alam mo ba kung bakit hindi mo mahanap ang dream girl mo? Madalas kasi nasa bahay lang ako eh.

© Mga hinayupak kayo pag naniwala kayong tibo ako. Magkita-kita tayo sa purgatoryo.