Oh, Propesor!

Eto na, dito naka-depende ang buhay namin sa kolehiyo. Utang na loob, sana maging mababait sila.

Yung isa, hindi gusto ang mga homosexual, ramdam ko yun. At hindi ko gusto ang palagay niya kaya kanina tuwing nagtatanong siya ng "Diba?" ang sagot ko "no". Hindi ako makapaniwala na tumatanda silang makitid ang utak. Nabanggit ko 'to kay ate pag-uwi ko, ang ika niya, iba raw kasi ang nakalakihang pananaw ng mga ganoong tao. Sa bagay... Pero ako, aprub sa mga ganon. Naniniwala ako na may karapatan silang piliin ang tingin nila'y makabubuti sa kanila, binigay man o hindi ng Diyos ang kanilang kasarian. May mga pagkakataong naipaliwanag na noon pa ng mga dalubhasa na sadyang may mga ganitong pangyayari sa buhay. Pana-panahon lang yan... Hindi ko alam kung bakit ko sila ipinaglalaban ng sarili kong paniniwala't opinyon, pero wala akong nakikitang dahilan upang sila'y pagkaitan ng kalayaan ng Simbahang Katoliko at ng iba pang mga relihiyong hindi sumasang-ayon dito.

Gandang intro sa unang prof. Ang weirdo kasi niya. Porke Philosophy 5 ang kanyang larangan ng pag-aaral pinipilosopo na niya kami. Yung literal na pilosopo na hindi na namin maunawaan.

Yung pangalawa, akala namin ni Clarisse proxi lang. Masyado kasing bata at mukhang wala pang muwang sa pagtuturo. Pag nagsalita havey! Graduate din pala siya sa parehong unibersidad, pareho rin ng kursong kinuha. Pakiramdam ko naman, magiging magaling siyang magturo, kaso meron siyang mannerism na inuulit-ulit yung salita eh. For example: "All tests would be departmentalized. All tests would be departmentalized." "65% is the passing grade. 65% is the passing grade."

Nakakaloko lang. Akala ko ako lang nakapansin nun ngunit gaya ng dati, nandyan na naman si Clarisse para damayan ako. Eto na yung seatmate ko simula unang araw ng unang sem ng unang taon hanggang ngayon. Walang kasawa-sawa. Tikas! Magkasundo na kami sa kalokohan at kung ano pang anek-anek. Bawat ulit ng salita ni Ma'am magtitinginan kami sabay patagong tawa. Putragis, kulang na lang bilangin namin lahat ng umulit. Unang meeting pa lang ginu-good time na agad prof.

O ayan na, unang pasada sa mga naunang prof. Unang pasabog sa mga naunang nakilala. Unang bwelta sa mga bagong bagay.

©R. Sana naman matuloy ko pa rin paga-update dito.