Random.

Baka lang gusto niyo munang mag-break sa kakaaral para sa quiz... eto na ang mabisang solusyon sa mga nagsisipag-sipagan. Paunawa: Walang kwenta 'to. Gusto ko lang magpost. Pagkatapos nito mag-aaral na 'ko. Hahaha joke lang, alam kong hindi matutupad yun kaya bahala na lang kung sipagin. Dapat siguro binabadyet ko na rin ang oras ko... hindi ko na alam kung san ko nawawaldas eh.

O, daldal pa para may mapagbuntunan kayo ng stress. Eto ang mga pangyayari sa buhay ko ngayong araw:

A. Nag-away kami ng nanay ko. Sus, wala nang bago. Pero ang nakakainis dun, laging mababaw yung dahilan, parang 3-ft pool lang.

B. Nakasabay ko ang kaibigan ko sa LRT. Tapos nag-aral kami ng Economics. Ang hirap ng mga tinatanong namin... pagdating sa exam bigo.

C. Nakita ko yung estudyanteng nakakita sa'kin. Casual lang sana. Kaso eto yung simula pagsakay ko ng jeep last week, katabi ko na. Sing-bagal ko rin maglakad papuntang LRT. Nakatapat ko pa nga ata sa upuan... At hindi ko alam simula't sapul may red mark ako sa mukha. Mahabang mark na parang lipstick, di ko alam san nanggaling. At ambait niya para hindi sabihin sakin na "Miss, taga-mental ka ba?" Siguro mamamatay na kakatawa yung bakulaw na yun. Sheeeeeet.

D. May binigay ako kay Rechel. Clue: masarap itong alagaan... pero nakakatakot. Noh, Sevb? Haha.

E. Nalaman kong may hiwaga sa drinking fountain. May kapangyarahin ito para pigilan ang lahat sa paglapit dito. Kahit wala itong ginagawa, napapatili pa rin niya ang mga babae at kinaiinisan siya ng mga lalaki. Mamatay ka nang ipis ka. Wag ka dyan tumambay, dun ka sa drinking bottle ng seatmate ko.

F. Pagsabak sa unang pagsubok. Hindi ko alam kung sinong halimaw ang nagpauso ng quiz. Siguro naisumpa na yun dati pa. Okay na 'ko sa grade ko. Hindi naman mababa talaga, yun lang mas may mataas lang sakin. Nanliliit ako sa mga katabi ko... busog na busog ang utak. Tiyan ko lang kasi nabubusog sa mga hatid na biyayang dala ng mga pagkain ni Ruby.

G. Putol ang ibang klase. Bertdey ng Rector. Happy birthday po. Konti na lang, aakyat na po kayo. :)

H. Yellow model chick. Nag-rap ako, isang linya lang. Pag nakabisado ko yun kakanta ako... basta may TF.

I. Yellow bottle sipping. Pagdating ng bahay, walang kain-kain. Rap ulit, ansaya. Sana ganito na lang mga quiz. Nakakaya ko na siyang kantahin basta may kopya. Pag wala, tepok kang lamok ka.

J. Nagsulat. Lecture at blog. Hindi ko alam kung pano nalustay ang oras ko sa mga walang kwenta kong gawain.

K. Bati na kami. Kadarating lang ni Mama. Pinansin niya 'ko. Sheeeeeet yeheeeeeey.

***

Syempre eto ang mga plano kong gawin sa ngayon:

1. Ipost 'to at kumanta ulit.

2. Kumanta ulit, ubusin ang oxygen sa paligid.

3 Matutulog.

4. Mag-aaral para sa Theology quiz bukas. Ay mali.

5. Gigising. Kasi mahirap mag-aral pag tulog ka.

6. Hindi ko sigurado yung pang-apat. Malalaman niyo kung nagawa ko bukas beybe.

Ayan ang buhay ko. Puno ng mga walang kwentang bagay. Sinusubukan ko naman mag-aral (para sa bahay ko) kaso lang may kumakanta sa utak ko.